Amazon Big Sell

Check Your Name In Voter List

आपले नाव मतदार यादीत शोधा

लोकशाही मजबूत करायची असेल तर मतदानप्रक्रियेत नागरिकांचा सहभाग वाढण्याची गरज आहे. मतदारयादीत नाव तपासणे किंवा नाव नोंदविण्याची प्रक्रिया आता एका क्लिकवर उपलब्ध असून नागरिकांनी याचा लाभ घेण्याची गरज आहे.

अजूनही अशी जनता आहे ज्यांना हे माहिती नाही की आपले नाव मतदार यादीत शोधण्यासाठी आपला स्मार्ट मोबाईल पुरेसा आहे.
आगामी विधानसभा निवडणुकीच्या पार्श्वभूमीवर मतदार यादी तयार करण्याचे काम सुरू आहे. निवडणूक शाखेने मतदारयाद्यांच्या शुद्धिकरणाचा कार्यक्रम हाती घेतला असून १ सप्टेंबर रोजी प्रसिद्ध करण्यात आलेल्या प्रारूप मतदार यादीनुसार ७१ हजार ४६१ मतदारांची नावे डिलीट करण्यात आली आहेत. यात आपले नाव तर डिलीट झाले नाही ना, याची खात्री मतदारांनी करण्याची गरज आहे.

त्यासाठी खालील सूचनांचे पालन करा..

असे शोधा मतदारयादीत नाव
https://ceo.maharashtra.gov.in या संकेतस्थळावर गेल्यानंतर डाव्याबाजुला दिलेल्या लिंकवरील इलेक्ट्रोल सर्च इंजिनवर क्लिक करा. नावानुसार आणि आयडी कार्डनुसार इथे नाव तपासता येते. नावानुसार तपासायचे असेल तर त्यावर क्लिक केल्यानंतर जिल्ह्यानुसार किंवा विधानसभानुसार असे दोन पर्याय दिले आहेत. विधानसभा मतदार संघानुसार नाव तपासायचे असेल तर त्यावर क्लिक करावे. जिल्हा, मतदारसंघ, नाव अशी माहिती टाकल्यानंतर सर्चवर क्लिक केल्यानंतर यादीतील तुमचे नाव दिसेल.

ऑनलाइन नोंदवा नाव

मतदारयादीचा विशेष पुनरिक्षण कार्यक्रम १ सप्टेंबर ते ३१ ऑक्टोबरपर्यंत राबविण्यात येत आहे. मतदारयादीत नाव नोंदविण्यासाठी ऑनलाइन पर्यायही उपलब्ध आहे. www.nvsp.in या संकेतस्थळावर गेल्यानंतर ऑनलाइन अर्ज भरता येईल.

अशी आहे प्रक्रिया…

www.nvsp.in या संकेतस्थळावर जा.

-अप्लाय फॉर रजिस्ट्रेशन ऑफ न्यू वोटरवर क्लिक करा.

– राज्य, जिल्हा, विधानसभा, लोकसभा मतदारसंघ यानुसार क्लिक करा.

-संपूर्ण अर्ज भरून आवश्यक ते कागदपत्रे अटॅच्ड करा.

-भरलेला अर्ज पुन्हा तपासा आणि सबमिट करा.

अर्ज भरताना चूक नको!

अर्जामध्ये संपूर्ण नोंदी कराव्यात. विधानसभा क्षेत्रानुसार आपला विधानसभा मतदारसंघ निवडावा. पत्ता अचूक टाका. कुटुंबातील किंवा शेजारच्या व्यक्तीचा मतदार ओळखपत्रांचा अचूक क्रमांक (इपिक क्रमांक) लिहावा. छायाचित्र अपलोड करताना चेहरा स्पष्ट दिसेल याची काळजी घ्या. फाइल अटॅच्ड करताना ती दोन एमबीपेक्षा जास्त नको. जेपीजी, पीएनजी, बीएमपी, जेपीईजी, डीपीआय २०० फोटो साइज १२८० बाय १०२४ सेंटीमिटर असावी. अड्रेस प्रूफ (इलेक्ट्रिक बिल, आधार कार्ड, इ.) जन्म तारखेचा दाखल्याची प्रत स्पष्ट दिसेल अशी असावी. अर्जदाराने अर्जात अपंगत्व असल्यास उल्लेख करावा, असे आवाहन जिल्हाधिकारी तथा जिल्हा निवडणूक अधिकारी अश्विन मुद्गल यांनी केले आहे. मतदारनोंदणी अधिकारी कार्यालयात ६ नंबरचा अर्ज भरून नाव नोंदविता येते.

विशेष मोहिमेत सहभागी व्हा

मतदारांना सोयीचे व्हावे म्हणून मतदार नोंदणीची विशेष मोहीम राबविण्यात येत आहे. १३ ऑक्टोबर रोजी सर्व मतदान केंद्रांवर बीएलओ उपस्थित होते. १४ ऑक्टोबर, २७ आणि २८ ऑक्टोबर रोजी मतदान केंद्रस्तरीय अधिकारी (बीएलओ) सकाळी १० ते ५ वाजेपर्यंत मतदारयादीत नाव नोंदविण्याची प्रक्रिया करणार असल्याचे उपजिल्हा निवडणूक अधिकारी राजलक्ष्मी शहा यांनी सांगितले.

अशी तयार होत आहे मतदारयादी…

मतदान केंद्राचे सुसूत्रीकरण : ३१ जुलै

पुरवणीयाद्या तयार करणे : ३१ ऑगस्ट

प्रारूप मतदारयाद्या प्रसिद्ध करणे : १ सप्टेंबर

दावे आणि हरकती स्वीकारणे : ३१ ऑक्टोबर पर्यंत

डेटाबेस अद्यावतीकरण व पुरवणी यादीची छपाई : ३ जानेवारी २०१९

अंतिम मतदारयादी प्रसिद्ध करणे : ४ जानेवारी २०१९

Asha Transcription

About admin